Politika u Konformita` tas-Sigurta`

1. KATEGORIJI

l-istudenti kollha li jattendu korsijiet fl-iSkola tal-Arti f’Malta. 

l-istudenti barranin kollha.
il-barranin kollha li jkunu meħtieġa i jkunu konformi.
l-għalliema, l-amministrazzjoni u l-istaff tekniku.

2. XI TFISSER KONFORMITA`

‘Konformita`’ tfisser li l-kategoriji kollha li jaqraw dan id-dokument qegħdin jagħrfu l-impenn tagħhom li josservaw u jkunu konformi mal-policies u r-regolamenti kollha ta’ Sigirta` tal-iSkola tal-Arti f’Malta.Dawk li jonqsu milli josservaw u jkunu konformi   jirrendu lilhom nnfushom miftuħa għal azzjoni dixxiplinarja mil-Amministratur taċ-Ċentru, li għandu r-responsabbilta` aħħarija għall-kwistjoni kollha tar-regolamentazzjoni kollha tal-iskola. 

3. POLICES TAL-ISKOLA

Għandhom jiġu osservati dawn il-policies:

ATTENDENZA
L-istudenti kollha għandhom jattendu minimu ta’ 80% tal-kors. Dawk l-istudenti li jkunu morda għandhom jinfurmaw lill-għalliema tagħhom. Studenti jkunu skużati meta jkollhom appuntamenti mediċi, meta jkunu morda jew tkun inqalgħet xi mewt fil-familja mmedjata tal-istudent, sitwazzjonijiet ta’ emerġenza u ċirkustanzi familjari uniċi li jitolbu li student ikun skużat ma jkunux punibbli. Studenti lijkunu msefrin għadhom jippreżentaw prova li jkunu siefru. Meta student ifalli tlett lezzjonijiet in fila mingħajr ma jkun avża jitwaqqaf milli jkompli l-kors.

STUDENTI TAĦT IS-16 –IL SENA
Studenti taħt is-sittax –il sena għandhom jiġu akkumpanjati mill-ġenitur/gwardjan tagħhom sal-bieb prinċipali tal-iskola. Dan japplika kemm għal qabel tibda l-lezzjoni kif ukoll meta din tintemm. L-iskola ma tassumi l-ebda responsabbiltà` jekk student ma jinġabarx mil-bini tal-iskola.

LEZZJONI ĦIN/ĠURNATA
L-istudenti għandhom ikunu fil-ħin għal kull lezzjoni. Kwalunkwe student li jasal aktar minn 30 minuta tard għal xi lezzjoni jiġi mmarkat tard fl-attendenza. Għalkemm l-iskola tagħmel minn kollox biex iżżomm timetable tal-lezzjonijiet, ma tistax teskludi li jistgħu jsiru xi tibdiliet fil-ħinijiet/ġranet tal-lezzjoni skond ċirkustanzi li ma jkollhiex kontroll fuqhom. Jekk dan jagħti l-kas l-istudenti jiġu avżati.

KUNDIZZJONIJIET SPEĊJALI
Hi r-responsabbilta` ta’ kull ġenitur/gwardjan li jinforma lill-Amministratur taċ-Ċentru b’xi diffikultajiet li jista’ jkun hemm rigward aċċessibilta`, rigward xi diffikultà psikoloġika jew diffikultajiet fit-tagħlim qabel ma jkun beda l-kors.

PROTEZZJONI TAD-DATA
Skond il-Liġi tal-Protezzjoni tad-Data, għandu jiġi mifhum li kull student li jidħol għal kwalunkwe kors jagħti l-permess li  ritratti jew filmati jidhru fuq il-Facebook page, fuq is-sit elettroniku  u/jew rivisti  tal-iSkola , u fuq kwalunkwe materjal ieħor stampat jew muri fuq il-media. Jekk ikun hemm oġġezzjoni għal dan, l-iskola għandu jkollha talba bil-miktub.

L-ILBIES TAL-ISTUDENTI
l-istudenti kollha għandhom jilbsu ilbies xieraq u li jkun komdu meta dan jiġi indikat mill-għalliema aċċessorji jew ilbies protettiv ieħor.

4. RESPONSABILITAJIET

Huwa dover tal-iskola:
– Li tiżgura s-sigurta` tal-istudenti safejn dan hu raġjonevolment prattiku, lill-ħaddiema u lill-istudenti kollha;
– Li tipprovdi kull informazzjoni, struzzjonijiet , superviżjoni, meħtieġa sakemm dan ikunraġjonevolment prattiku biex tiżgura s-sigurta` fl-iskola. Huwa d-dmir ta’ kull impjegat li waqt il-ħin tax-xogħol:

– Ikun responsabbli li jħares is-sigurta` tiegħu/tagħha, u dik ta’ ħaddieħor li jkunu preżenti

Ħadd m’għandu la b’mod intenzjonali jew bi traskuraġni ibagħbas jew juża b’mod ħażin xi ħaġa li tkun provduta fl-interess tal-saħħa u s-sigurta` f’konformita` ma’ proviżjonijiet rilevanti.

5. IMPLIMENTAZZJONI TA’ REGOLAMENTI TA’ SIGURTA`

Għandhom jiġu osservati dawn ir-regoli ġenerali ta’ sigurta` fil-bini kollu tal-iSkola tal-Arti f’Malta:

ĦINIJIET TAL-FTUĦ TAL-ISKOLA
L-ebda student m’għandu jaħdem f’xi wieħed mill-istudji jew werkxops ħlief fis-sigħat allokati għall-kors. Jekk ikun il-kas li jsir mod ieħor, l-istudent għandu jikkonsulta mal-Amministratur taċ-Ċentru

TIPJIP
Mhux permess l-ebda tipjip fi kwalunkwe parti tal-bini tal-iskola. L-istudenti u l-membri tal-istaff  huma responsabbli li jaraw li tinżamm ir-regola tan-no smoking.

PASSAĠĠI, KURUTURI U TURĠIEN
Il-passaġġi kollha inklużi dawk tal-istudji, għandhom ikunu aċċessibbli f’kull ħin. Ħidmiet, għamara u tagħmir ieħor għandhom ikunu stivati tali li ma jostakolawx il-passaġġi, l-kuruturi u t-turġien.

RADIO/CD PLAYERS
Id-daqq tal-Mużika hu projbit fl-istudji kollha sakemm dan ma jkunx skond dak li jkun jixtieq l-edukatur.

TELEFONIJA ĊELLOLARI
Mhux permess l-użu ta’ mobile phones fl-istudji kollha mill-istudenti, sakemm dan ma jkunx jagħmel parti mil-proċess artistiku kif indikat mill-edukatur. Il-mobile phones għandhom jinżammu silent u jitħallew fil-basket matul il-ħin tal-lezzjoni.

IKEL
M’għandu jiġi ikkunsmat l-ebda ikel fl-ebda studjo.  L-ikel jista’ jiġi ikkunsmat biss fil-waiting/recreational areas.

NIRIEN
Il-membri tal-istaff u l-istudenti kollha għandhom jikkooperaw waqt Fire drills u prekawzjonijiet oħrajn għall-iskola. Meta tinstama’ ddoqq l-fire alarm:

– L-Edukaturi għandhom jagħlqu t-twieqi u l-bibien.
– iwaqqfu l-makkinarji kollha, jitfu dak kollu li jaħdem bl-elettriku u jitfu ċ-ċilindri tal-gass (fejn japplika) u dak kollu li jaħdem bil-gass. 
– Jiġbru l-istudenti kollha preżenti skond l-attendenza ta’ dak inhar f’linja waħda.
– Ma jużawx il-lift.
– Iħallu l-binja mill-iktar fire exit viċin filwaqt li jsegwu is-sinjali tal-fire exit għall-eqrebassembly point.
– Ma jiqfux fil-passaġġi jew jostakolaw il-bibien tal-ħruġ.

Il-membri kollha tal-istaff u l-istudenti kollha għandhom isiru familjari mal-fire exits, fl-aħjar interess tagħhom infushom.

OĠĠETTI LI JAQTGĦU U ŻEBGĦA FRISKA
Nies oħrajn li jagħmlu użu mill-faċilitajiet tal-iskola għandhom ikunu avżati dwar dan; ħudu ħsieb li ma tħallu qatt li oġġetti li jaqtgħu jew żebgħa friska jiġu f’kuntatt dirett mal-għamara u faċilitajiet oħrajn tal-iskola.

MATERJAL, SUSTANZI U APPARAT LI JISTA’ JKUN TA’ ĦSARA
M’għandu jitħalla jinġieb fl-iskola l-ebda materjal, sustanzi jew apparat li jista’ jkun ta’ ħsara, jekk ma jkunx sar arranġament minn qabel mal-edukatur. Kwalunkwe materjal, sustanza jew apparat li jista’ jkun ta’ ħsara imma li jeħtieġ li jkun użat tul il-kors għandu jintuża bl-akbar responsabbiltà` u taħt id-direzzjoni tat-tutor jew l-edukatur.

FIRST AID
L-uffiċċini, l-istudji u l-werkkxops kollha għandhom FIRST AID BOX. Fil-ħtieġa ta’ emerġenza għall-first aid, l-edukatur għandu jikkuntattja lill-First Aider tal-iSkola li jkun preżenti f’dak il-ħin.