ELEZZJONIJIET TAL-KUNSILL TAL-ISKOLA 2021/2022

Il-Kunsill Skolastiku huwa parti essenzjali fil-proċess demokratiku tal-Iskola. L-irwol tiegħu mhuwiex limitat biss għal skopijiet ta’ ġbir ta’ fondi jew attivitajiet simili. Il-Kunsill Skolastiku huwa kommess li:

• Jiddiskuti u jwettaq moniteraġġ tal-ambjent skolastiku sħiħ tal-iskola u jipproponi modi ta’ kif dan jista’ jitjieb;
• Jgħin lill-iskola permezz ta’ ideat sabiex jinħolqu pjattaformi fejn l-istudenti jkunu esposti għal udjenza usa’ ’l barra mill-fruntieri tal-iskola, preferibbilment flimkien ma’ entitajiet oħra. (eż. Istituzzjonijiet edukattivi);
• Joħloq modi kif jiġi ġġenerat dħul finanzjarju għall-iskola (eż. Attivitajiet li jrendu dħul ta’ finanzi)
• Jiddiskuti u jwettaq moniteraġġ dwar kwalunkwe problema fl-ambjent tal-iskola;
• Jiddiskuti kwalunkwe problema relatata mal-benesseri tal-istudenti.

Bħala parti mill-Internal Quality Assurance approvata mill-NCFHE, il-Kunsilli Skolastiċi fl-iskejjel li jiffurmaw parti mill-Kulleġġ Mikiel Anton Vassalli jiġu ffurmati minn

• President – li normalment ikun nnominat mill-Ministru tal-Edukazzjoni
• Segretarju/Teżorier – li hui l-Kap tal-Iskola/ Amministratur taċ-Ċentru
• Tlett rappreżentanti li jkunu eletti minn fost l-Edukaturi tal-iskola
• Żewġ rappreżenatnti li jiġu eletti minn fost l-istudenti Adulti (‘l fuq minn 16-il sena)
• Żewġ rappreżentanti li jiġu eletti mil-Ġenituri /Kustodji tal-Istudenti ta’ taħt is-16-il sena

Il-ħidma eċċellenti tal-membri li ħadmu fil-Kunsilli preċedenti ħalliet riżultati pożittivi fl-iskola tagħna. Għalhekk, inħeġġukom bħala Ġenitur/Kustodja ta’ Studenti (taħt is-16-il sena) li jattendu l-Iskola ta’ l-Arti, sabiex tpoġġu in-nomina tagħkom u sabiex tipparteċipaw f’dawn l-elezzjonijiet. 

In-nominazzjonijiet iridu jintbagħtu permezz ta’ emejl lil mavc.schoolofart@ilearn.edu.mt sa mhux aktar tard miill-Ġimgħa 29 ta’ Jannar fis- 1:00pm.

In-Nominazzjonijiet kollha għandhom  jindikaw isem il-kandidat u is-suġġett ta l- emejl għandu jkun: ‘School Council Elections Parents/Guardians’ jew ‘School Council Elections 16+’ skond jekk inti genitur ta’ student jew student fl-iskola. 

Ġenitur/kustodja li jkun ukoll student ġewwa l-Iskola ta’ l-Art, jista’ jiġi nominat bħala rappreżentant f’ kull kategorija. Madanakollu jekk jiġi elett għaż-żewġ kategoriji, irid jagħżel waħda minnhom.

Jekk ikun hemm iktar min zewġ nominazzjonijiet, L-elezzjonijiet għal Ġenitur/Kustodja ta’ Studenti (taħt is-16-il sena) se jsiru onlajn bejn it-Tnejn 8 ta’ Frar u il-Gimgha  12 ta’ Frar. Kull student ikun intitulat għall-vot wieħed. Sejrin tirċievu aktar informazzjoni dwra il-votazzjoni fuq l-indirizz elettroniku tal-istudenti, wara li jkun ingħalaq il-proċess tan-nominazzjonijiet.

Il-Parteċipazzjoni Tagħkom Tiswa!