Linji Gwidi

INTRODUUZZJONI GĦALL-KORSIJIET TAL-ARTI

l-iskola toffri firxa wiesa’ ta’ korsijiet, kemm formali kif ukoll dawk informali, kollha kemm huma żviluppati bil-għan li jilħqu firxa wiesa’ ta’ studenti differenti li lkoll għandhom talenti u ħiliet differenti. L-iskola toffri strateġija doppja: klassijiet miftuħin għal studenti li jridu jibqgħu jitgħallmu (lifelong learners), u korsijiet speċjalizzati li ġew żviluppati għal dawk l-istudenti li juru interess li jiżviluppaw l-arti bħala s-suġġett ewlieni tagħhom fir-riċerka.

l-iskola taċċetta fiha studenti mill-eta` ta’ 6 snin ’l fuq. Hemm xi restrizzjonijiet fl-eta` f’ċerti korsijiet, partikularment f’dawk li jwasslu għal-livell tal-O level u tal-A level. Il-korsijiet li jiġu offruti biss għall-gost huma offruti għal studenti 16+. 

L-iStudenti li jattendu l-iSkola tal-Arti Viżwali u Performattiva iridu juru impenn qawwi u importanti li jkunu  regolari fl-attendenza tagħhom  biex jiġi żgurat li jibbenefikaw b’mod sħiħ mill-programmi offruti. Sabiex student jikseb Award jew Kwalifika, jeħtieġlu jattendi għal 80% tal-lezzjonijiet u jtemm il-unitskollha li jwasslu għall-Award/Kwalifika.  Studenti li ma jattendux  80 fil-mija tal-kors ma jingħatawx ċertifikat u l-ħidma tagħhom ma’ tiġix valutata. Jekk wieħed ifalli tlett lezzjonijiet in fila ikun tilef id-dritt li jkompli l-kors.

Lezzjonijiet

F’din il-parti se tingħataw informazzjoni li tgħinkom tifhmu aħjar x’jiġi offrut fil-korsijiet relevanti li toffri l-iSkola tal-Arti f’Malta, bid-dati w il-ħinijiet li fihom jingħataw dawn il-korsijiet.

Il-biċċa l-kbira tal-korsijiet jibdew fil-bidu t’Ottubru u jintemmu lejn l-aħħar ta’ Mejju. Kollha jdumu bejn wieħed u ieħor 32 ġimgħa, b’xi korsijiet iqsar li jieħdu massimu ta’ 16 –il ġimgħa.  Aktar dettalji rigward korsijiet speċifiċi huma indikati fil-ktejjeb ta’ informazzjoni.

Ma jsiru l-ebda lezzjonijiet fi btajjel pubbliċi jew waqt il-vaganzi tal-iskola jew f’vaganzi ta’ żmien l-iskejjel, li jinkludu l-vaganzi tal-mid-term, tal-Milied. Tal-Karnival; u tal-Għid.

Il-biċċa l-kbira tal-lezzjonijiet jiġu offruti filgħaxija, għalkemm xi wħud jingħataw ukoll filgħodu jew kmieni wara nofsinhar.