L-Iskola Storika tal-Arti fil-Belt Valletta qed tiġi Restawrata u Rinnovata

Ix-xogħolijiet ta’ restawr inbeda mill-Kulleġġ Mikiel Anton Vassalli (MAVC) fl-Iskola tal-Arti fil-Belt Valletta b’investiment ta’ madwar 5 Miljun ewro. Ix-xogħolijiet jinkludu r-restawr tal-faċċata ta’ dan il-bini storiku, kif ukoll xogħolijiet fl-intern tal-binja. Permezz ta’ dawn ix-xogħlijiet l-iSkola tal-Art se tintrama bi swali għall-workshops, studios u apparat xieraq li huwa mitlub sabiex jissodisfa it-talbiet ta’ ‘tagħlim ta’ kwalità għolja għall-Arti kreattiva. Barra minn hekk, il-bini se jinkorpora elevatur biex jagħmel din l-Iskola aktar aċċessibbli.

In-natura tax-xogħolijiet li jridu jsiru, tirrikjedi aktar mill-perjodu qasir ta’ xahrejn fis-sajf, meta x-xogħlijiet ta ’manutenzjoni ġenerali fl-iskejjel iseħħu normalment – waqt li l-għalliema u l-istudenti jkunu fuq il-vaganzi tas-sajf tagħhom.

“Ix-xogħolijiet għandhom jibdew issa biex is-sena skolastika li jmiss tilqa’ lill-għalliema f’ambjent ta’ xogħol li verament jistħoqqilhom. L-istudenti jkomplu l-istudji tagħhom f’ambjent ta’ tagħlim li jistimula l-kurżità u l-oriġinalità intellettwali tagħhom, il-ħsieb kritiku u n-novità permezz tal-korsijiet akkreditati offruti f’din l-iskola,” qal il-Prinċipal tal-Kulleġġ MAV is-Sur Victor Galea. “Intant, il-korsijiet attwali ser jiġu akkomodati temporanjament fil-Malta Visual and Performing Arts School fil-Ħamrun u minnOttubru ta’ din is-sena jissuktaw fl-iskola li mmodernizzata ‘state of the art’ fil-Belt Valletta.”

Il-MAVC Malta School of Art twaqqfet fil-bidu tas-seklu għoxrin, f’106 Triq l-Ifran, il-Belt Valletta. Mit-twaqqif tagħha, hija eżerċitat influwenza kbira fil-progress u r-riċerka artistika tal-arti viżwali f’Malta. Kienet wkoll meqjusa bħala waħda mis-sorsi ewlenin tal-edukazzjoni artistika, li offriet taħriġ formali u boroż ta’ studju lill-artisti biex ikomplu l-edukazzjoni tagħhom barra mill-pajjiż. Fost l-iktar artisti rinomati li ħadu l-edukazzjoni formali tagħhom fl-Iskola tal-Arti ta’ Malta hemm: Antoine Camilleri, Victor Diacono, Harry Alden, Vincent Apap, Willie Apap, Esprit Barthet, Anton Inglott u Carmelo Mangion.

Il-Kulleġġ Mikiel Anton Vassalli u l-Iskola ta’ l-Arti ta’ Malta għandhom l-għan li jipprovdu edukazzjoni ta’ livell għoli bbażat fuq metodoloġiji u riċerki ġodda, li jipprovdu ambjent ta’ sfida għall-istudenti biex jitgħallmu u jiskopru l-potenzjal sħiħ tagħhom. L-iskola toffri diversi korsijiet tal-arti li jwasslu għal kwalifiki minn Livell 1 (bażiku) sa Livell 5 (Diploma). Bħalissa 600 student minn 6 snin ‘il quddiem huma rreġistrati fil-MAVC Malta School of Art.

“Grazzi għall-Fondazzjoni għall-Iskejjel ta’ Għada (FTS), li tieħu ħsieb il-koordinazzjoni u l-implimentazzjoni tax-xogħolijiet kollha , Malta se jkollha skola tassew speċjalizzata għall-Edukazzjoni tal-arti mgħammra bis-sħiħ biex tospita programmi mis-sena skolastika li jmiss. Ir-riċerka turi li l-edukazzjoni tal-arti viżwali għandha l-potenzjal li tgħin biex ittejjeb il-ħiliet tal-memorja u l-konċentrazzjoni, biex tiżviluppa ħiliet ta’ teħid ta’ deċiżjonijiet u ħsieb kritiku, biex ittejjeb il-ħiliet ta’ komunikazzjoni u smigħ f’kuntest ta’ dixxiplina fost oħrajn“, fi kliem ieħor, is-Sur Galea kkonkluda li “kull investiment fl-Arti huwa investiment għal soċjetà aħjar fejn ngħixu.“