Servizzi

Librerija

L-iSkola tal-Art f’Malta għandha kollezzjoni ta’ kotba ta’ riżorsi li tvarja minn kotba ta’ teorija li jiffukaw fuq l-iStorja tal-Arti lokali u internazzjonali, Diskorsi dwar Arti Kontemporanja, Teorija ta’ Arti Kritika u l-Filosofija tal-Arti; u kotba prattiċi li fihom jinstabu tekniċi, eżerċizzji u materjal edukattiv. 

Ħinijiet tal-Ftuħ

Il-Librerija bħalissa mhux tintuża minħabba f’xogħolijiet li jinsabu għaddejjin.

Self ta’ Kotba

L-istudenti kollha kif ukoll l-membri kollha tal-istaff reġistrati mal-iSkola tal-Arti f’Malta jista’ jkollhom aċċess għal din il-librerija u jissellfu il-kotba ta’ riżorsi li hemm fiha. Kull student jew membru tal-istaff jista’ jissellef massimu ta’ 2 kotba kull darba. 

Il-librar jieħu nota tal-ktieb/kotba li jkun/u ġie/ġew misluf/a u jitlob għad-dettalji ta’dak l-istudent jewmembru tal-istaff: l-isem, kunjom u n-numru tat-telefon. Kull ktieb li jiġi misluf għandu jiġi ritornat fi żmien 3 ġimgħat. Dak li jkun jista’ jerġa’ jissellef l-istess ktieb għal 3 ġimgħat oħra. 

Jekk il-kotba ma jintraddux lura fil-ħin stipulat il-librar jagħmel kuntatt ma’ dak li jkun issellfu mill-librerija. Jekk wara 4 ġimgħat minn meta jsir il-kuntatt, il-ktieb/kotba ma jkunux irritornati,  l-iskola għandha dritt li timponi multa (biex jinxtara il-ktieb/kotba neqsin). 

Dawk kollha li jagħmlu użu mil-librerija għandhom il-permess li jagħmlu fotokopji tar-riżorsi tal-iskola mil-librerija għal skopijiet edukazzjonali biss. Il-kotba għandhom jiġu rritornati mingħajr l-ebda marka (l-ebda sinjal maqtugħ ta’ xi kelma, l-ebda highlighting, l-ebda kitba jew xi marka fuq il-ktieb/kotba). 

Fotokopji

L-iskola toffri servizz ta’ fotokopji fl-uffiċċju prinċipali għal 5c kull A4 B&W u għal 10c kull A3 B&W ; 15c A4 bil-Kulur u 30c A3 bil-Kulur. Nagħtu parir li dawn il-fotokopji jinżammu f’numru minimu sabiex żgur nissalvagwardjaw ir-restrizjonijiet tal-copyright u jkunu rispettati ir-responsabiltajiet ambjentali.  

Mill-uffiċċju prinċipali jista’ jsir ukoll Digital Scanning li jitqies bħal l-aħjar għażla. Il-ħlas hu dak ta’ 2c kull paġna.  

Materjal

L-istudenti li jattendu korsijiet f’Livelli 1,2 u 3 jingħataw materjal għall-arti mill-iskola, billi jsir ħlas ta’ 40 ewro fil-bidu tal-kors. Dan il-ħlas għandu jsir  fi żmien ġimagħtejn minn meta jibda l-kors. L-istudenti jridu jġibu magħhom pokit  bl-istationary bażika. 

L-istudenti li jattendu korsijiet oħrajn ikunu mistennija jġibu l-materjal tagħhom għal-lezzjonijiet, kif mitlub mill-edukatur tagħhom.

Apparat

L-iskola għandha l-apparat meħtieġ biex tiżgura li l-korsijiet tagħha joffru servizz ta’ edukazzjoni ta’ kwalità. Dawn jinkludu Kiln, 2 stamperiji  u rota tat-tafal fost oħrajn. Dan l-apparat jista’ jintuża mill-istudenti, taħt superviżjoni sħiħa tal-għalliema tagħhom, imma biss meta dan jagħmel parti mill-proċess tat-tagħlim.