L-Iskola

Il-Viżjoni Tagħna

Il-viżjoni tal-iSkola tal-Arti hi li din tiżviluppa, fl-istudenti tagħna, il-potenzjal sħiħ tagħhom fl-arti viżwali u performattiva u biex tinkorraġġihom biex jaħsbu b’mod kritik u kreattiv.

Mission Statement

L-iSkola tal-Arti f’Malta tara li tipprovdi edukazzjoni ta’ kwalità għolja mibnija fuq metidoloġiji u riċerki ġodda, filwaqt li tipprovdi ambejnt ta’ sfida li fih l-istudenti jitgħallmu u jiskopru l-potenzjal sħiħ tagħhom. Timmira wkoll li toffri kurrikulu diversifikat lill-istudenti li jippreparahom u jmexxihom lejn livell ta’ edukazzjoni għolja u professjonalita` fl-arti viżwali. L-iSkola tikkommetti ruħha li tmexxi ’l-quddiem l-iżvilupp u l-apprezzament tal-arti bi prattiċi multi-dixxiplinarji.

L-iskola toffri varjetà wiesa’ ta’ korsijiet, kemm dawk formali kif ukoll dawk informali, kollha kemm huma ddiżinjati sabiex jilħqu sezzjoni transversali ta’ studenti differenti li lkoll ikollhom talenti u ħiliet differenti. Timmira li tara li titrawwem l-innovazzjoni fil-qafas mibni fuq l-inklużjoni, l-kooperazzjoni u l-edukazzjoni interdixxiplinarja. L-iSkola tara li toħloq ċentru għall-komunita` artistika mibnija fuq prattika ta’ riċerka ggwidata. Tfittex li tippromwovi l-ħsieb kritiku u innovazzjonijiet permezz ta’ sforzi li joħorġ mill-korsijiet, lezzjonijiet u deċiżjonijiet. Dawn id-diversi faċċati jduru mal-kurżita` intellettwali, l-oriġinalita` u tiftix wiesgħa bbażat f’sistema inter-relata li tgħaqqad flimkien il-prattika, l-istorja u t-teorija

L-iStorja Tagħna

L-iSkola tal-Arti f’Malta twaqqfet fil-bidu tas-seklu 20 f’106, triq l-Ifran il-Belt Valletta. Sa mill-bidu tat-twaqqif tagħha, hija eżerċitat influwenza kbira kemm fil-progress kif ukoll fir-riċerka artistika tal-artiviżwali f’Malta, u kienet hi s-sors ewlieni tal-ewwel sorsi tal-edukazzjoni tal-arti, filwaqt li offriet taħriġ formali u boroż ta’ studju lil-artisti biex dawn ikomplu jiżvillupaw l-edukazzjoni tagħhom ’l-bogħod minn xtutna. Fost dawn l-artisti rinomati li ħadu l-edukazzjoni tagħhom fl-iskola nsibu lil: Antoine Camilleri, Victor Diacono, Harry Alden, Vincent Apap, WillieApap, Esprit Barthet, Anton Inglott u Carmelo Mangion.