Żjara – XENI

Numru ta’ studenti magħżulin mill-iSkola tal-Arti f’Malta, li jattendu l-lezzjonijiet ta’ filgħodu fit-tpinġija u l-pittura, żaru l-wirja: XENI – Retrospettiva tal-aħħar għaxar snin ta’ xenografija, li ttellgħet minn Teatru Malta f’kollaborazzjoni ma’ Spazju Kreattiv, serviet biex iddawwal iktar lill-istudenti biex dawn jitgħallmu iktar dwar il-proċess kreattiv mill-iskeċċis tal-bidu u l-ideat li joħorġu sakemm ssir ix-xenografija aħħarija. Wara l-istudenti segwew lezzjonijiet ta’ skeċċis u dawn skeċċjaw l-intersezzjoni interessanti tad-dellijiet u tal-forom fil-wirja u fil-bini tal-iSpazju Kreattiv.